У сталіцы адбыліся культурныя падзеі, арганізатарам якіх выступіла Пасольства Літоўскай Рэспублікі ў Рэспубліцы Беларусь.
17 лютага ў мастацкай галерэі "Універсітэт культуры" адбылося адкрыццё выставы работ літоўскіх фатографаў Зенонаса Некрашуса і Віргіліюса Усінавічуса «Шлях да Свабоды. Літва ў 1988 –1991 гады».
Праект арганізаваны Пасольствам Літоўскай Рэспублікі ў Рэспубліцы Беларусь сумесна з Міністэрствам культуры Рэспублікі Беларусь. Гасцей выставы віталі Надзвычайны і Паўнамоцны Пасол Літоўскай Рэспублікі ў Беларусі сп Андрус Пулокас і прарэктар па навуковай рабоце Беларускага дзяржаўнага ўніверсітэта культуры і мастацтваў Віктар Языковіч.
На выставе прадстаўлены больш за 75 чорна-белых фатаграфій, на якіх зафіксаваны самыя запамінальныя моманты літоўскай гісторыі ў перыяд з 1988 па 1991 год. Фотапраект быў падрыхтаваны аўтарамі ў 2015 годзе і прымеркаваны да святкавання 25-годдзя Дня аднаўлення незалежнасці Літвы.
20 лютага літоўскі фатограф, мастак Альгіс Грышкявічус адкрыў сваю выставу "Паралельныя ўяўленні" у галерэі сучаснага мастацтва "Ў".